Pehli Mulaqat

pehli mulaqat by harry goswami

                                      Pehli Mulaqat

Tum lagti ho mujhe ek khwaab ki tarah,

Jis khwaab ka jawaab mein sadiyo se dundh raha hu.

Tum lagti ho mujhe uss jawab ki tarah.

Ikraar bhi nhi Kara , aitbaar bhi nhi kara.

Pyaar toh bahut dur ki baat hai , usne toh inkar bhi nhi Kara.

Kaafi din ho gye the usne mere msg ka reply nhi Kara tha,

Haa hum kaafi mahino se,  ek dusre se baate Kar rhe the.

Par na jaane kuch haafto se woh baate aadhuri chod ja rhi thi.

Raat ka waqt tha ghadi mein sayad 9:30 baj rhe the,

Tabhi Maine Apna phone nikala or use message Kiya,

" Next Sunday Coffee peene chale , Just You and Me " .

Send Kara or gusse mein sone Chala gaya,

Or pata nhi kaise subah jldi Meri neend khul gyi,

Maine apni band ankhon se phone dhundha or dekha ki uska reply aaya hai ya nhi,

Par abhi Tak koi reply nhi aaya tha.

Phir main udaas man se college Chala gaya or tabhi lecture ke beech mein ek message ki ghanti baji, maine Apna phone nikal  ke dekha toh sabse uppar usi ka message tha.

" Thik Hai , Milte hai ! "

Main chilla Kar bench se utha or bhagte hue corridor mein gaya,

Or woh waqt aisa tha jab pura college mein shaanti thi , or main uss waqt corridor ke ek taraf se dusri taraf chakkar laga raha tha paglo ki tarah.

" Waise toh afwa thi ki main sarfira pagal ashiq hu,

Par us din ke baad log yakeen bhi karne lage the. "

Par mujhe kaha logo ki padi thi, mujhe toh iss baat ki chinta thi ki main kaha jau or Kya karu,

   * * Matlab Matlab mere saath , mere samne ek ladki baithi hogi masoom si,

       Jise dekh Kar main Apna sab kuch phle he haar Chuka honga **

Jab bhi main uska message padhta hu , Mera Dil kaabu mein nhi rehta or Mera saara gussa khatam ho jaata hai ,agar Teri tasveer dekh leta hu toh kahi kho sa jaata hu,

Or use dekh Kar mujhe us din ki yaad aah jaati hai , jab main usse Mila tha.

Halaaki main baat shuru nhi Kar paya tha.

Par main ab usse milna jaa raha raha hu, kahi meri hadbadahat mein woh naraz na ho jaye.

Or main kaise baat shuru karunga usse , woh Jo mere samne baithi hogi.

Maine Apna Dil ko shaant Kara or wapas apni class mein gaya or apne dosto ko apne samne baithaya or use sab kuch bataya .

Ek pal ko toh woh bhi samjh nhi paaye ,  aakhir uss ladki ne mujhe milne ke liye haa kaise kardi.

Phir unhone Puri baat suni or hum dono ke liye ek restaurant dhunda Jo jyda dur naa ho or naa he jyda mehnga. 

Or restaurant jaane mein hume itna waqt mil Jaye ke hum ek dusre ko aache se jaan paaye.

Sab kuch soch liya tha or woh din aane he waala tha , jab main kisi ke saath Apna waqt baatne Wala tha.

Maine Apna collection mein se blue shirt nikali thi quki.

Usne ek baar kaha tha " Blue suits you " .

Ab bas mujhe Sunday ka Intezaar tha, Saturday aah gaya tha or Kal mujhe usse milna tha,

Toh maine Socha q naa ek baar Puch liya jaye Kal kitne baje milogi.

Ek ghante baad uska message aaya

 " Maaf karna , main bhul gyi thi mujhe tumse milna tha. Or main Kal dosto se milna ka wada bhi Kar chuki hu, isliye Kal nhi mil paungi tumse  . "

Main iske jawaab mein kuch likhta tab Tak usne agli mulaqat ka karaar de diya,

***

" Agli baar zaroor milenge "

                                                                                         
                                                                               A Story By Harry Goswami